Este pasado sábado tivo lugar a Asemblea Xeral Ordinaria e Extraordinaria da nosa Asociación. Nesta reunión tivemos a oportunidade de facilitar un punto de encontro onde sentar as bases desta tempada 2020-2021, así como facer un repaso do acontecido na pasada.E que nos permitiu isto? Confirmar, sen ningunha dúbida, que somos unha equipa de voluntarias capaces de organizarnos e adaptarnos en circunstancias complexas como as que estamos a vivir. Que se traballamos xuntas e na mesma liña, somos capaces de seguir acadando os obxectivos para os que se creou este proxecto.Así que agradecemos moitísimo o tempo, esforzo e adicación por parte das voluntarias seguindo adiante en tempos de Covid. E tamén un agradecemento moi especial a todas as familias socias que decidistes seguir unidas a este proxecto pese a todo e a todas aquelas que en tempos de crise, decidiste unirvos por primeira vez. Agardamos que nesta tempada, poidamos seguir aprendendo, compartindo e sobre todo, desfrutar xuntas.
